AL – QURANUL KARIM ETA TEH IMAM URANG SADAYANA

Al – Qur’an eta teh sumber tina sagala sumber hukum Islam. Al-Quran eta teh Kitab Suci anu diturunkeun ku Anu Maha Suci,karena eta Al-Quran suci tina sagala cacad jeung kakurangan, Al-Quran kacida sampurna sebage’ padoman hirup keur sakabeh muslim.Bahkan sakuduna

Al-Quran jadi padoman hirup satiap manusa.karena teu pato – pati Al-Quran di turunkeun kajaba sebage’ pituduh keur sakabeh umat manusa.Dawuhan Allah SWT dina Q.S.2.Al-Baqarah ayat 185 :

“شَهْرُ رَمَضَانَ الَّذِي أُنْزِلَ فِيهِ الْقُرْآنُ هُدًى لِلنَّاسِ “

Hartina : “Jeung ari bulan Ramadhan , eta bulan anu diturunkeun dina eta bulan ( mimiti ) Al – Quran sebage’ pitiduh keur umat manusa”.

Jeung memang Al-Quran eta diturunkeun sebage’ nu mere pepeling keur samesta alam, sakumaha Dawuhan Allah SWT dina Q.S.25.Al – Furqan ayat 1 :

“تَبَارَكَ الَّذِي نَزَّلَ الْفُرْقَانَ عَلَى عَبْدِهِ لِيَكُونَ لِلْعَالَمِينَ نَذِيرًا “

Hartina : “ Maha Suci anu geus nurunkeun Al – Furqan (Al-Quran ) ka hamba – Na ngarah jadi nu mere pepeling keur samesta alam”.

Namung wungkul jalma anu taqwa anu hayang ngajadikeun Al-Quran sebege’ pituduh jeung padoman hirupna. Allah SWT ngadawuh dina Q.S.2 Al – Baqarah ayat 2 :

“ذَلِكَ الْكِتَابُ لا رَيْبَ فِيهِ هُدًى لِلْمُتَّقِينَ “

Hartina : “ Ieu Kitab (Al-Quran ) anu hanteu aya kamang mangan sautik oge di jerona,sebage’ pituduh keur jalma – jalma anu tarakwa”.

Karana eta, Majlis Ta’lim Miftahul Ulum Ays-Syafi’iyyah  ngusahakeun keur hayang jeung mampuh negeuhkeun lengkah perjuangan kalawan ngajadikeun Al-Quran sebege’ pituduh,padoman jeung Imam anu di turut. Ngan ku kitu pisan Majlis Ta’lim Miftahul Ulum Ays-Syafi’iyyah  bisa salamet dunia akherat. Rasulullah SAW dadawuh :

“ القران شافع مشفع و ماحل مصدّق . من جعله أما مه قاده ألى الجنة و من جعله خلفه ظهره ساقه ألى النار”

Hartina : “ Ari Al-Quran eta teh anu nyafa’atan anu disyafa’atan jeung anu mela anu di benerkeun.Saha jalma anu ngajadikeun Al-Quran di hareupeunna ( sebage’ Imam ) Maka pasti Al-Quran nungtun eta jalma ka surga. Jeung saha jalma anu ngajadikeun Al-Quran di tukanggeun tonggongna ( hanteu dijadikeun Imam ) maka pasti Al-Quran ngajongklokkeun eta jalma kana naraka”.

Hadits ieu diriwayatkeun ku Ibnu hibban rhm sumberna ti jabir ibnu ‘Abdillah ra sakumaha di sebutkeun dina kitab Al – Matjar Ar-Rabih karya Al-Imam Al-Hafidz Ad-Dimyaathi,dina Bab 11 Hadits ka- 3.

Jeung tangtuna ngajadikeun Al-Quran sebage’ Imam geus nyakup ngajadikeun As-Sunnah sebage’ padoman oge,karena wungkul ku As-Sunnah urang bisa maham isi kandungan Al-Quran sacara bener.Jeung tong poho bahwa ari manusa anu paling ngarti tentang Al-Quran eta teh Rasulullah SAW,jeung manteunna di utus ku Allah SWT keur ngajelaskeun tentang Al-Quran anu di turunkeun Allah keur manusa. Allah SWT ngadwuh dina Q.S.16.An-Nahl ayat 44 :

“وَأَنْزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ “

Hartina : “ Jeung kami turunkeun ka anjeun Adz-Dzikir (Al-Quran ),ngarah anjeun nerangkeun ka umat manusa naon wae anu diturunkeun ka maranehna.jeung ngarah maranehna marikir”.

Jeung dina surat anu sarua dina ayat 64 :

” وَمَا أَنْزَلْنَا عَلَيْكَ الْكِتَابَ إِلا لِتُبَيِّنَ لَهُمُ الَّذِي اخْتَلَفُوا فِيهِ وَهُدًى وَرَحْمَةً لِقَوْمٍ يُؤْمِنُونَ “

Hartina : “ Jeung Kami hanteu nurunkeun ka anjeun Al-Kitab (Al-Quran ) ieu, kajaba ngarah anjeun bisa ngajelaskeun ka maranehna naon perkara anu maranehna paseakeun jeung jadi pituduh jeung rahmat keurkaom anu ariman”